கத்தார் 2022 உலகக்கிண்ண கால்பந்தாட்டத்தின் அரை இறுதிக் போட்டிக்கு மொரோக்கோஅணி தகுதி பெற்றுள்ளது.
இன்று நடைபெற்ற கால் இறுதிப்போட்டியில் பலம் வாய்ந்த போர்த்துகல் அணியை 1:0 கோல் விகிதத்தில் வென்றதன் மூலம் அரைஇறுதிக்கு மொரோக்கோ முன்னேறியது.
போட்டியின் 42 ஆவது நிமிடத்தில் மொரோக்கோ வீரர் யூசெப் என் நெசிரி கோல் புகுத்தினார்.
![](https://cdn.virakesari.lk/uploads/medium/file/199257/Youssef-En-Nesyri---of-Morocco---vs-Portugal---FIFA-2022-world-cup----AFP.jpg)
போர்த்துகல் அணி வீரர் கிறிஸ்டியானோ தொடர்ச்சியாக 2 ஆவது போட்டியிலும் ஆரம்ப வீரர்கள் வரிசையில் இடம்பெறவில்லை.
இன்றைய போட்டியில் அவர் 52 ஆவது நிமிடத்திலேயே களமிறக்கப்பட்டார்.
உபாதை ஈடு நேரத்தில் மொரோக்கோ வீரர் வலீத் செதேராவுக்கு 2 மஞ்சள் அட்டைகள் காட்டப்பட்டு அவை சிவப்பு அட்டையாக மாற்றப்பட்து. இதனால் கடைசி கட்டத்தில் 10 வீரர்களுடன் விளையாடு; நிலைக்கு மொரோக்கோ தள்ளப்பட்டது.
மொரோக்கோ அணி முதல் தடவையாக உலகக்கிண்ண அரை இறுதிக்கு தகுதிபெற்றுள்ளது
ஆபிரிக்க கண்டத்தைச் சேர்ந்த அணியொன்று உலகக் கிண்ண அரை இறுதிக்கு தகுதி பெற்றமை இதுவே முதல் தடவையாகும்.
0 Comments